Հ.Մ.Ը.Մ.ի Սուրիոյ Շրջանային Վարչութիւնը եւ Հ.Մ.Ը.Մ.ի ընտանիքը սրտի խոր կսկիծով կը գուժեն հաւատաւոր Հ.Մ.Ը.Մ.ական՝

ՔՈՅՐ ՔՆԱՐ ՖՈՒՌՈՒՆՃԵԱՆ-ՔԷՕՇԿԷՐԵԱՆԻ

մահը, որ պատահեցաւ Շաբաթ, 15 Օգոստոս 2020-ին, Հալէպի մէջ, յետ կարճատեւ հիւանդութեան:

Քոյր Քնարը Հ.Մ.Ը.Մ.ի շարքերուն մէջ ունեցած է երկարամեայ ծառայութիւն: Եղած է «Ծառայութեան» շքանշանակիր, Շրջանային Վարչութեան անդամ, Շրջանային Խմբապետուհի, Շրջանային Խորհուրդի անդամ եւ Միութեան 100-ամեակի Շրջանային Յանձնախումբի անդամ:

Մեր խորազգաց վշտակցութիւնը եւ ցաւակցութիւնը կը յայտնենք Հ.Մ.Ը.Մ.ի Կեդրոնական Վարչութեան Սուրիոյ անդամ եղբ. Մանուկ Քէօշկէրեանին, իր կողակիցին մահուան տխուր առիթով:

Խունկ ու աղօթք կը բարձրացնենք հանգուցեալ քրոջ հոգիին խաղաղութեան համար:

Յիշատակն արդարոց օրհնութեամբ եղիցի: