ԵՂԲ. ՐԱՖՖԻ ՄՈՒՆՋՕՂԼԵԱՆ ԼԻԲԱՆԱՆԻ ՈՂԻՄՊԻԱԿԱՆ ԿՈՄԻՏԷԻ ԱՆԴԱՄ

 

Քանի մը անգամ յետաձգուելէ ետք, 25 Փետրուար 2021-ին տեղի ունեցան Լիբանանի Ողիմպիական Կոմիտէի ընտրութիւնները՝ ներկայութեամբ Լիբանանի երիտասարդութեան եւ մարմնակրթութեան նախարարութեան մարզական բաժանմունքի նախագահ Մուհամմէտ Աուէյտաթի:

Ընտրութիւններուն ներկայ եղան 39 ֆետերասիոններու ներկայացուցիչներ, որոնցմէ 28-ը իրաւունք ունէին քուէարկելու, իսկ 21-ը ներկայացուցած էին իրենց թեկնածուները:

Հ.Մ.Ը.Մ.ի Լիբանանի Շրջանային Վարչութեան ատենապետ եղբ. Րաֆֆի Մունջօղլեան ընտրուեցաւ Լիբանանի Ողիմպիական Կոմիտէի 14 հոգինոց կազմի անդամ, փոխարինելով Հ.Մ.Ը.Մ.ի ներկայացուցիչ եղբ. Վաչէ Ծատուրեանը, որ երկու շրջան Կոմիտէին մաս կազմելէ ետք՝ կանոնագրային պայմաններու բերումով չէր կրնար երրորդ անգամ թեկնածու ներկայանալ։

 

Տարածենք